الشروط والخصوصية

آخر تحديث: أكتوبر ٢٠٢٦

الخصوصية

بيانات شركتك (الموظفين والمرتبات والسلف والإجازات والبصمات) بتتحفظ على جهازك إنت بس، جوه المتصفح. مش بتتبعتلنا ولا لأي حد.
برنامج ربط البصمة بيشتغل على شبكة شركتك الداخلية بس، وبيكلّم جهاز البصمة والمتصفح اللي على نفس الكمبيوتر.
لو سبتلنا رقمك في فورم «سيبلنا رقمك»، بناخد الاسم والرقم واسم الشركة وعدد الموظفين والبلد. بنستخدمهم عشان نكلمك عن حسبة بس، ومش بنبيعهم ولا بنديهم لحد.
عشان نطلّعلك كود التفعيل بنحتفظ باسم الشركة ورقم التواصل ومدة الاشتراك.
عاوز نمسح بياناتك اللي عندنا؟ ابعتلنا على واتساب وهنمسحها.

الاشتراك بالشهر أو أكتر، وبتدفعه مقدّم. بعد الدفع بيوصلك كود تفعيل شغال لحد آخر يوم في المدة.
مفيش عقود ولا تجديد تلقائي. لو مجددتش، بعد ٣ أيام من نهاية المدة الطباعة والتصدير والإضافة بيقفوا، وبياناتك بتفضل على جهازك وتقدر تاخد منها نسخة احتياطية.
لو الكود مشتغلش عندك ومقدرناش نحل المشكلة خلال ٧ أيام من الدفع، بنرجعلك فلوس الفترة دي كاملة.
غير كده، الفلوس اللي اتدفعت عن فترة بدأت مش بترجع، بس تقدر توقف التجديد في أي وقت.

كود التفعيل لشركتك إنت، وممنوع تبيعه أو تديه لشركة تانية.
حسبة بتحسب بالنسب والشرائح اللي في الإعدادات. إنت مسؤول تراجعها مع المحاسب بتاعك، لأن القوانين والنسب بتتغير.
البيانات على جهازك، فإنت مسؤول تاخد نسخة احتياطية بانتظام. لو اتمسحت بيانات المتصفح أو الجهاز باظ من غير نسخة، مش هنقدر نرجّعها.
ممكن نطوّر البرنامج ونغيّر الشروط دي. لو حصل تغيير مهم هنقولك قبلها.

أي سؤال؟ كلمنا على واتساب من صفحة التواصل.